Azərbaycan Meliorasiya və Su Təsərrüfatı ASC-nin nəzdində fəaliyyət göstərən Bəhramtəpə Melioservis İdarəsi dəmir-beton konstruksiyalı nov istehsalı və çəkilməsi, torpaq məcralı kanalların beton üzlüyə alınması, həmçinin su keçidlərinin yenilənməsi üçün müxtəlif diametrli boruların istehsalı və quraşdırılması işini yerinə yetirir.
Saatlıda əkin sahələrinin suvarılması üçün mütəmadi olaraq plana uyğun işlər aparılır. Suvarma kanalları lildən təmizlənib, hidrotexniki qurğular sazlanıb. Yaxın gələcəkdə torpaq məcralı kanalların beton üzlüyə alınması nəzərdə tutulub.
Payızlıq əkinlərlə əlaqədar bu günədək Azərbaycanda 826287 hektar sahədə şum aparılıb. Bu, proqnozlaşdırılan əkin sahəsinin 81,3 faizini təşkil edir.
“P-Agro” MMC şirkəti bu ilin aprel-may aylarında Saatlı rayonunun Dədə Qorqud kəndi ərazisində 10 hektar sahədə Türkiyənin məşhur “May toxum” şirkətinin “May-455” toxum sortunu əkib. Artıq sahədə pambıq yığımı aparılıb.
Oktyabrın 6-da Kürdəmirdə ilk dəfə keçirilən Nar sərgi-satış yarmarkasında Nar müsabiqəsi də təşkil olunub.
Oktyabrın 6-da Azərbaycanda ilk dəfə olaraq Kürdəmir rayonunda Nar sərgi-satış yarmarkası keçirilib. Yarmarkanın təşkilində əsas məqsəd vətəndaşların alternativ seçim imkanlarını artırmaq, nar istehsalçıları ilə alıcılar arasında birbaşa münasibətlərin qurulmasına kömək etməkdir.
Kənd Təsərrüfatı Nazirliyi yanında Aqrar Xidmətlər Agentliyi və Dövlət Toxum Fondunun təşkilatçılığı ilə Azərbaycanın müxtəlif regionlarında toxum sərgi-satış yarmarkaları keçirilir. Budəfəki sərgi-satış yarmarkası Saatlı rayonunda təşkil olunub. Sərgi-satış yarmarkasında 20-dən çox yerli sort taxıl nümayiş etdirilib.
Azərbaycanda pambıq yığımı mövsümünə hazırlıq gedir. Sahələrdə defolyasiya tədbirlərinə başlanıb, rayonlar üzrə pambıqyığan kombayn, qoşqu və traktorların bölgüsü həyata keçirilir.
Amerika Birləşmiş Ştatlarının Beynəlxalq İnkişaf Agentliyinin (USAİD) maliyyə vəsaiti və Azərbaycan Hökumətinin dəstəyi ilə Sosial-İqtisadi İnkişaf Fəaliyyəti (SEDA) proqramı çərçivəsində Saatlı rayonunun Hacıqasımlı kəndində yem emalı məntəqəsi istifadəyə verilib.