Saatlı rayon İcra Hakimiyyətində "Qadın və Uşaqların İnnovativ Maarifləndirilməsinə Dəstək" İctimai Birliyi tərəfindən "Sağlam həyata təminat" narkomaniyaya qarşı mübarizə tədbirlərinin təşkili layihəsi üzrə təlim keçirilmişdir.

Təlimdə rayonun idarə, təşkilat və müəssisələrində çalışan 40 nəfər əməkdaş iştirak etmişdir. Tədbirin sonunda təlim iştirakçılarına İctimai Birliyin sertifikatları təqdim olunmuşdur. İctimai Birliyin sədri Aynur xanım Zülfüqarova və digər təlimçilər sağlam yaşam tərzi, gənclərin və uşaqların narkomaniya və zərərli vərdişlərdən qorunması, bu bəlaya düçar olmuş şəxslərin müalicə və cəmiyyətə reabilitasiyası yolları haqqında geniş məlumat verdilər.