Ümumi

Saatlı rayonunda Səhiyyə işçilərinin Peşə bayramı qeyd olunub

Saatlı rayonunda Səhiyyə işçilərinin Peşə bayramı qeyd olunub

17 iyun 2022-ci il tarixdə Saatlı rayonunda Səhiyyə işçilərinin Peşə bayramı qeyd olunub.

Peşə bayramı münasibətilə Saatlı şəhərinin Heydər Əliyev Meydanında Ulu Öndərin abidəsi ziyarət olunub, Ümummilli liderin əziz xatirəsi ehtiramla yad edilib.

"17 iyun Səhiyyə İşçiləri Günü"nə həsr edilmiş rayon tədbirində çıxış edən Saatlı rayon İcra Hakimiyyətinin başçısı Elmir Bağırov tibb işçilərini peşə bayramları münasibəti ilə təbrik edib, son illərdə ölkəmizdə səhiyyənin inkişaf səviyyəsinin dünya standartlarına cavab verməsini, hazırda ölkəmizdə ən mürəkkəb və unikal tibbi əməliyyatların belə yüksək peşəkarlıqla həyata keçirildiyini, respublikada səhiyyənin bütün sahələri üzrə ixtisaslı kadrların yetişdirildiyini vurğulayaraq, bütün bu uğurların əldə olunmasında, səhiyyənin maddi-texniki bazasının tam yenilənməsində ölkə başçımız cənab İlham Əliyevin uzaqgörən siyasətinin və gərgin fəaliyyətinin nəticəsi olduğunu qeyd etdi.

Tədbirdə bir qrup tibb işçisinə rayon icra hakimiyyətinin Fəxri Fərman və qiymətli hədiyyələri təqdim olunmuşdur.