Saatlı rayon Mədəniyyət Mərkəzində Müstəqil Azərbaycan dövlətinin memarı və qurucusu, Azərbaycan xalqının Ümummilli lideri Heydər Əliyevin 100 illik yubileyi ilə əlaqədar rayon tədbiri keçirilmişdir.

Tədbir iştirakçıları əvvəlcə Ulu Öndərin Saatlı şəhər mərkəzində yerləşən abidəsini ziyarət etmiş, abidə önünə gül-çiçək dəstələri düzmüşlər. Tədbiri giriş sözü ilə açan rayon İcra Hakimiyyətinin başçısı Ümummilli liderin həyat və fəaliyyəti haqqında geniş məlumat verərək, onun siyasi irsi və dövlətçilik məharəti barədə məruzə ilə çıxış etdi.

Sonda tədbir iştirakçıları Ulu Öndərin bütün həyat və fəaliyyətinin mühüm hadisələrini əhatə edən qısametrajlı filmi izlədilər.