Saatlı rayonunda növbəti qanvermə aksiyası keçirilib.

Rayon İcra Hakimiyyətindən verilən məlumata görə qanvermə aksiyası talassemiya, hemofiliya və digər qan xəstəliklərindən əziyyət çəkən, eyni zamanda təcili əməliyyata ehtiyacı olan insanların sağlamlığını qorumaq, onların həyatını xilas etmək məqsədilə həyata keçirilib.

Aksiyada Saatlı Rayon İcra Hakimiyyətinin rəhbərliyi, hüquq-mühafizə orqanlarının əməkdaşları, idarə və müəssisələrin kollektivləri və rayon ictimaiyyəti iştirak ediblər. Ötən illərdə olduğu kimi, bu il də rayonda keçirilən qanvermə aksiyasında ümumi fəallıq müşahidə olunub.

Unutmayaq ki, hər damla qan insana ümid, ailəyə sevinc, həyata yeni nəfəs deməkdir.