Saatlı rayonu üzrə mədəniyyət müəssisələrinin birgə təşkilatçılığı ilə rayon Mədəniyyət Mərkəzində 15 Aprel - Dünya İncəsənət Günü münasibətilə tədbir keçirilib. Tədbirdə Saatlı Rayon İcra Hakimiyyətinin məsul işçiləri, idarə və təşkilatların nümayəndələri, mədəniyyət işçiləri iştirak ediblər.
Saatlı rayonunda ilk dəfə olaraq müəllim və valideynlər birlikdə komanda təşkil etməklə intellektual yarışda iştirak ediblər. Yarışda on iki komanda mübarizə aparıb.
Saatlıda Türkiyədən gətirilən “Eşmə” heyva növü yetişdirilir. Hazırda bağda dərmanlama işləri görülür. 2020-ci ildə salınan bağdan cari ildə məhsul götürülməsi planlaşdırılır.
Saatlıda taxıl sahələrinə gübrə səpilir. Fermerlər yüksək məhsul əldə etmək üçün yemləmə gübrəsi olaraq azot gübrəsi və karbamiddən istifadə edirlər.
Saatlıda əkin sahələrinin suvarılması üçün mütəmadi olaraq plana uyğun işlər aparılır. Suvarma kanalları lildən təmizlənib, hidrotexniki qurğular sazlanıb. Yaxın gələcəkdə torpaq məcralı kanalların beton üzlüyə alınması nəzərdə tutulub.
8 noyabr Zəfər Günü ilə əlaqədar rayon İcra Hakimiyyətinin təşkilatçılığı ilə tədbir keçirildi.
Kənd Təsərrüfatı Nazirliyi yanında Aqrar Xidmətlər Agentliyi və Dövlət Toxum Fondunun təşkilatçılığı ilə Azərbaycanın müxtəlif regionlarında toxum sərgi-satış yarmarkaları keçirilir. Budəfəki sərgi-satış yarmarkası Saatlı rayonunda təşkil olunub. Sərgi-satış yarmarkasında 20-dən çox yerli sort taxıl nümayiş etdirilib.
Saatlı rayonunda şəhidlərin xatirəsinin əbədiləşdirilməsi üçün abidə kompleksi inşa edilib. Kəndin 3 şəhidinin rəsmi abidədə öz əksini tapıb. Kompleksin ərazisində, həmçinin bulaq istifadəyə verilib.
Saatlıda şəhidlərin xatirəsinə inşa edilən abidənin açılışı olub. Şəhidlərin xatirəsinə ucaldılan abidə Saatlı rayonunun Qaralar kəndində inşa edilib.